Tadbirlar
Davlat mulki obyektlaridan samarali foydalanish sohasida hamkorlik memorandumi imzolandi

Oʻzbekiston Respublikasi Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi hamda Oʻzbekiston rieltorlari gildiyasi oʻrtasida hamkorlik memorandumi imzolandi.
Maqsad — davlat mulkidan foydalanish samaradorligini oshirish, rieltorlarning kasbiy bilimlarini oshirish hamda fuqarolar va tadbirkorlarning xabardorligini oshirish.
Hamkorlikning asosiy yoʻnalishlari:
- Seminarlar, treninglar va amaliy mashgʻulotlar oʻtkazish;
- Davlat mulkini ijaraga olish, sotib olish va elektron savdolarda ishtirok etish boʻyicha materiallar tayyorlash;
- Obyektlar haqida rasmiy axborot almashish;
- Ijara imtiyozlari va shartlarini tushuntirish;
- Rieltorlar malakasini oshirish va uslubiy yordam koʻrsatish;
- Davlat mulki obyektlari bilan tanishish uchun tashriflar tashkil etish va amaliy masalalarni birgalikda muhokama qilish.
Ushbu hamkorlik keng jamoatchilikning davlat mulki obyektlarini ijaraga olish va sotib olish imkoniyatlari haqidagi xabardorligini oshirishga, shuningdek, rieltorlarning ushbu sohadagi kasbiy faoliyatini rivojlantirishga xizmat qiladi.
Yangilangan: 12.11.2026